Ndërkohë që pritet një reform në administratën publike, ende nuk dihet numri i punonjësve që do të largohen, qoftë për shkak të ristrukturimeve të disa prej ministrive apo agjensive, qoftë edhe për shkaqe të tjera.
Gjithsesi, zv.kryeministrja Senida Mesi ka dhënë garanci se punonjësit e administratës, të cilët me korrektësi dhe profesionalizëm kryejnë detyrën kundrejt qytetarëve, do të kenë mbështetjen e plotë të qeverisë, madje edhe do të promovohen
“Në të njëjtën kohë, ne do të modernizojmë shërbimet, lehtësojmë punën e tyre dhe do të ulim burokracinë për qytetarët tanë në të gjitha pikat ku shteti u shërben atyre”, shtoi Mesi
Reforma e administratës mori vlerësime në progres-raportin e fundit të Bashkimit Europian për Shqipërinë, por, sipas përfaqësuesve të Bashkimit Europian, kërkohet ende më shumë qartësi me gjithë ndryshimet thelbësore që janë bërë.
Reforma në administratën publike është një nga 5 prioritetet kyçe, të cilat Shqipëria duhet të përmbushë për hapjen e negociatave për anëtarësim në BE dhe ajo do të mbikqyret nga një grup i përbashkët i qeverisë shqiptare dhe përfaqësues të të gjithë vendeve të Bashkimit Evropian. /tesheshi.com/
