Presidenti polak, Andrzej Duda njoftoi se do të vendosë veton kundër ligjit kontravers që zëvendëson gjykatësit e Gjykatës së Lartë me emra të caktuar nga qeveria.
Tre reforma kyçe të Gjyqësorit u miratuan nga parlamenti polak, duke nxitur ditë të tëra demostratash në të gjithë vendin. Përpara se të marrin fuqi ligjore, duhet miratimi i presidentit.
Ndryshimet në fjalë e kanë vendosur qeverinë e krahut të djathtë në Poloni në një drejtim të kundërt me Bashkimin Europian.
“Si president, kam ndjesinë se ky ligj nuk do të forcojë ndjenjën e Drejtësisë”. tha presidenti Duda në një deklaratë të transmetuar nga televizioni shtetëror.
Ai edhe javën e kaluar ka ndërhyrë në debat në përpjekje për të gjetur kompromis, por ligjet u miratuan në parlament gjatë fundjavës. Qeveria e partisë Ligj dhe Drejtësi, refuzoi pretendimet se reformat ishin një lëvizje drejt sundimit autoritarist. /tesheshi.com/
