Presidenti i Polonisë nënshkroi një nga tre ligjet e kontestuara për riorganizimin e Gjyqësorit, që kanë sjellë kritika të shumta brenda dhe jashtë vendit pasi kufizojnë pavarësinë e sistemit të Drejtësisë.
Presidenti Andrzej Duda njoftoi të hënën pas disa ditë protestash në rrugët e Varshavës dhe qyteteve të tjera polake, se do të vendoste veton për dy nga draftet.
Këtë të martë zyra e tij tha se presidenti nënshkroi ligjin e tretë, pavarësisht se demostruesit kishin kërkuar me anë të protestave në rrugë të mos e mbështeste as këtë draft.
Ligji lejon ministrin e Drejtësisë, i cili është po ashtu edhe kryeprokuror, të caktojë kryetarët e të gjitha gjykatave.
Polakët thonë se Duda nuk po mbron sundimin e ligjit por po koordinohet me partinë në pushtet për ta vendosur Gjyqësorin nën kontroll. /tesheshi.com/
