Syriza e Alexis Tsipras humb numrat brenda Parlamentit dhe koalicionit qeverisës. Pas polarizimit të situatës mbi referendumin e së dielës, partia e djathtë partnere me Tsiprasin do t’I drejtohet zgjedhësve për të votuar “PO” në referendumin e së dielës.
Tsipras ka deklaruar se Greqia nuk do të dalë nga Eurozona, edhe nëse verdikti i popullit do të jetë “Jo” për kushtet e reja të kreditorëve.
Katër deputetë të “Grekëve të Pavarur” kanë deklaruar se do të votojnë “pro” reformave të propozuara nga europianët, ndërsa njëri prej tyre ka dhënë edhe dorëheqjen nga koalicioni.
Ndërkohë, një sondazh vendas tregon se afërsisht 57% e grekëve do të votojë “Jo” ndaj kushteve të kreditoreve, nga ana tjetër 30% e tyre janë të gatshëm të pranojnë reformat e Bashkimit Europian, duke lënë 13% të popullsisë si votues gri, të pavendosur përballë tablosë që u paraqitet.
Ndërsa në kontrast me sondazhin e opinionit të zhvilluar nga një kompani greke, një tjetër sondazh i bërë nga francezët këtë herë, jep një tjetër rezultat. Ky i fundit flet për 47% të popullsisë greke që është ‘pro’ Europës dhe 37% e tyre që mbështesin “Jo”-në e Tsipras. /tesheshi.com/
