Policia spanjolle ka mbyllur 1300 nga 2315 shkollat që janë në rajonin e Katalonjas, në të cilat do të ngrihen vendvotimet për referendumin e pavarësisë nga Spanja.
Policia gjithashtu ka marrë nën kontroll qendrën e telekomunikacionit të qeverisë rajonale, raporton BBC.
Katalonja, një rajon i pasur prej 7.5 milionë banorësh në Spanjën verilindore, ka gjuhën dhe kulturën e vet.
Ajo ka një shkallë të lartë të autonomisë, por nuk njihet si një komb i veçantë nga Kushtetuta spanjolle.
Dhjetëra mijëra njerëz pritet të votojnë në referendumin e së dielës, i cili është shpallur i paligjshëm nga Gjykata Kushtetuese e Spanjës.
Autoritetet në Madrid kanë dërguar mijëra policë në rajon për të ndaluar atë që po ndodh.
Ata janë urdhëruar të pastrojnë shkollat, ku prej ditës së premte janë instaluar nxënës dhe prindër, me qëllim sigurimin e ndërtesave që do të përdoren si qendra votimi. /tesheshi.com/
