Si duket qytetarëve të Kosovës u ka humbur durimi tashmë janë të vetmit në rajon që pothuajse kanë mbetur të izoluar. Tashmë ka filluar edhe peticioni ku qytetarë të shumtë i janë përgjigjur thirrjes së shoqërisë civile për të nënshkruar peticionin, nëpërmjet të cilit tentohet të vendoset presion mbi Bashkimin Evropian dhe Qeverinë e Kosovës për përshpejtimin e procesit të liberalizimit të vizave.
Peticioni është pjesë e fushatës “Koha për ta ndalur izolimin e Kosovës” dhe do të zgjasë dy javë në tërë territorin e Kosovës.
Peticioni, nënshkrimi i të cilit do të zgjasë dy javë dhe do të jetë në të gjitha qytetet e Kosovës, që po organizohet nga Fondacioni për shoqëri të hapur në bashkëpunim me shoqëritë civile.
Drejtoresha e Kosova 2.0, thotë se kanë për qëllim që përmes peticionit të vendoset presion mbi Bashkimin Evropian dhe Qeverinë e Kosovës që ti përmbush detyrat karshi procesit të liberalizimit.
Organizatorët kanë ftuar qytetarët që t’i përgjigjen thirrjes për nënshkrimin e peticionit, i cili pastaj do t’i dorëzohet Komisionit Evropian dhe Qeverisë së Kosovës./tesheshi.com/
