Në fillim nisën me mbledhësit e fakteve ndër shqiptare, duke nxitur opinionin se ka pasur një dualizim të barabartë gjatë luftës; pra si serbët kanë vrarë edhe luftëtarët e UÇK-së e kanë bërë. Akuzuan zyrtarisht dhe pa asnjë fakt duke nxitur procese të mundimshme të gjithë komandantët e UÇK-së. paska se dolën të pafajshëm (normale se kështu do të dilnin), më pas shpikën procese të tjerë brenda Kosovës. Më vonë nxorën Dick Martyn dhe financuan shtypin shqiptar për të treguar përallat që fatkeqësisht shërbejnë më shumë si dokument.
Urës së Ibrit që ndan një qytet dhe si muri i Berlinit nuk lejon njerëzit të takojnë të afërmit dhe të flenë në shtëpitë e tyre që po grabiten i thanë “Barrikadë e Paqes”.
Pastaj erdhi një legjendë e re që askush nga qeveria e Kosovës nuk e thotë asnjëherë troç; Asocacioni i Komunave, i cili do të qeverisë hisen e vet në Kosovë. Po kë do të qeverisë, si do të qeverisë me çfarë parash do të qeverisë dhe kush do të jetë administrate e saj?
Në një shkrim ekskluziv të transmetuar në tesheshi.com bëhet e ditur se në forcat e Sigurisë së Kosovës do të futen anëtarët e grupeve paramilitare serbe që kanë terrorizuar gjithë veriun.
Famëkeqët e ‘Civilna Zastita’ pasi janë paguar nga shërbimi sekret i Beogradit për të mbjellë terror, tani do të marrin para edhe nga buxheti i Kosovës, duke u futur më thellë nëpër Zveçan, Zubin Potok, Vushtri e më tej Graçanicë e Pejë. Me një fjalë trupat e Assocacionit do të “pushtojnë” Kosovën si dikur hordhitë e Sllobodan Millosheviçit?! E tepruar? Po pse qeveria nuk e sqaron plotësisht përse bëhet fjalë edhe nëse do të ketë një integrim multetnik edhe në Polici e FSK, kjo të bëhet me norma e ligj dhe jo me vende të lira bosh si në parlament e qeveri. Ja e pamë çndodhi me Jabllanoviçin, por ai vetëm foli, kurse këta bashibozukët e ‘Civilna Zastita’ kanë edhe kobure…/tesheshi.com/
