Asgjë nuk krahasohet me një pjatë supë të mirë. Zgjidhni perimet që ju pëlqejnë dhe bëni një ushqim shumë të shijshëm për veten dhe familjen tuaj.
Përbërësit
1 qepë (e madhe, e qëruar dhe e prerë imët)
2 thelpinj hudhër (të prerë imët)
2 karotë (të mëdha, të qëruara dhe të prera në kube të vegjël)
2 fije selino (të lara dhe të prera në masë sa karrotat)
4 lugë gjelle vaj vegjetal
300 gr perime (të qëruara dhe të prera)
600 ml lëng pule (ose mish viçi)
1 gjethe dafine
1 lugë gjelle erëza
1/2 lugë gjelle kripë
piper
Përgatitja
Në një tigan apo enë për supë ngrohni vajin vegjetal, shtoni qepën dhe gatuajini ngadalë deri sa qepa të zbutet.
Shtoni hudhrën, karrotat dhe selinonë dhe gatuajini për 5 minuta, por kujdes mos digjni hudhrën.
Shtoni perimet e prera dhe përziejini, shtoni dhe lëngun e mishit dhe gjethen e dafinës dhe gatuajini përreth 20 minuta.
Kalojeni në blender supën, mund të zgjidhni ta lini kremoze ose me pak copëza perimesh, sipas dëshirës.
Vazhdoni ta gatuani supën dhe për 5 minuta të tjerë që të shterojë dhe pak, hidhini kripë dhe piper për shije dhe shërbejeni. Kjo supë mund të ruhet edhe në ngrirje./tesheshi.com/
