Rebelohen senatorët e PS; Dade: Para kryebashkiakëve të arrestojnë Berishën

Nuk ka paqe brenda PS-së. Pas Blushit dhe Doshit, tashmë është një tjetër “senator”  që ka ngritur kryet për të bërë publike pakënqësitë në lidhje me politikat dhe praktikat që ndjek Edi Rama që prej një viti e gjysmë. Kryetarja e Komisionit të jashtëm të Parlamentit, ish shefja e dilomacisë dhe ish ministrja e Kulturës, Arta Dade ka deklaruar se qeveria duhet të dëgjojë zërin dhe vërejtjet e deputetëve në mbledhjet e grupit parlamentar pasi është zëri i qytetarëve të Shqipërisë. Deklarata bëhet nga deputetja socialiste Arta Dade, e cila e ftuar në emisionin 7 pa 5 në Vizion Plus i është bashkuar zërave kritike të grupit parlamentar socialist në drejtim të ministrave te qeverise Rama. Zonja Dade shkon edhe më larg kur thotë se edhe lufta ndaj korrupsionit nuk duhet të nisë nga kryetarët socialistë të bashkive, por nga njeriu simbol sipas saj për korrupsionin në Shqipëri, që mban në ndërgjegje edhe jetë njerëzish për shkak të korrupsionit. Bëhet fjalë për Sali Berishën.