Në një postim në Facebook, kryeministri i Kosovës Isa Mustafa ka reaguar për ngjarjet në Kumanovë të Maqedonisë. Ai në ketë postim deklaron:
“Në emër të Qeverisë së Republikës së Kosovës shpreh brengosjen e thellë për dhunën që sot shpërtheu në Kumanovë të Maqedonisë. Besoj thellë se evitimi i dhunës është në dobi të të gjitha palëve dhe të stabilitetit në Maqedoni, për çfarë Kosova është shumë e interesuar”.
Po ashtu në një postim në Facebook, ka reaguar edhe kryetari i kuvendit të Kosovës Kadri Vesli. Ai ndër tjera thotë shprehim me shqetësim ngjarjet e sotme në Kumanovë të Republikës së Maqedonisë, dhe me pikëllim për humbjen e jetëve njerëzore në këtë ngjarje. Besojmë se institucionet e shtetit maqedon e kanë gjithë vullnetin dhe kapacitetet që problemet politike dhe tensionet eventuale etnike të trajtohen me maturi dhe mjete demokratike. Po ashtu ne besojmë se faktori politik shqiptar në Maqedoni është në nivelin e përfaqësimit adekuat të brengave dhe interesave të shqiptarëve në Republikën e Maqedonisë. Dhe në fund z. Veseli deklaron se paqja dhe fqinjësia e mirë janë interes vital i të gjithë shqiptarëve në rajon.
Ka reaguar edhe presidenti i AKR-së z. Behgjet Pacolli, i cili shkruan: “Shpreh hidhërimin tim për viktimat e pafajshme në Kumanovë. Jam veçanërisht i prekur nga humbja e jetës së një vajze të vogël që s’ka patur kurrfarë lidhjeje me atë që po ndodh. Janë ngjarje të pafalshme për një shtet, për një vend i cili është aspirant për të hyrë në Bashkimin Europian. Nuk është koha e trimave pas lufte, dhe as e axhendave vetiake të ndokujt./Tesheshi.com
