Ka ngjallur reagimin e analistëve në Kosovë dhënia e medaljes së lirisë nga presidenti Thaçi për kryekuvendarin e Shqipërisë, Gramoz Ruçi.
Sipas analistit Donik Sallova një veprim të tillë Thaçi e ka bërë për ta treguar veten të rëndësishëm.
“Urdhri i Lirisë për merita në rrëzimin e sistemit komunist në Shqiperi?! Apo atë kohë ky ishte Ministër i Brendshëm i regjimit… Urdhri i Lirisē sepse ishte ministër a kryeministër i Shqipërsë gjatë viteve të luftës në Kosovë? Jo, nuk ka qenë. Atëherë pse? Sepse është kryetar i Kuvenit të Shqipërisë! Nëse kjo është meritë për liri të Kosovës, atëherë Thaçi duhet ta dekorojë edhe Jozefina Topallin, Servet Pëllumbin, Namik Doklen, Skender Gjinushin e Pjetër Arbnorin. Ilir Metën e dekoroi rishtazi, sa që vet Meta u çudit! Kjo hipokrizi dekoratash duhet të marre fund. Komplekset e veta përballë politikanëve të Shqipërisë Thaçi nuk mund t’i shërojë duke u dhënë medalje. Madje, Ruçi se honepsi fare Thaçin e ia tha në fytyrë: heqjen e vizave kërkojeni në Bruksel e jo në Tiranë!”, shkruan Sallova.
Ai më tej kujton edhe dekoratat që ka dhënë ish-presidenti Rugova dhe për të vdekurit, duke përfshirë të gjithë pjesëmarrësit e Lidhjes së Prizrenit, ka iroizuar me Thaçin duke thënë se s’i ka mbetur tjetër veçse ta dekorojë vetveten me të gjitha medalet presidenciale të Kosovēs! /tesheshi.com/
