Deputeti italian dhe ish-ministri i Sporteve, Luca Lotti kërkoi anullimin e finales të Superkupës së Italisë planifikuar për t’u luajtur në Riad, për shkak të vrasjes së gazetarit Jamal Khashoggi.
Loti, i cili shërbeu si Ministër i Sportit në qeverinë e mëparshme, shkroi në rrjete shoqërore në lidhje me vrasjen e gazetarit Khashoggi.
“Shoqëria në të gjitha nivelet duhet të rrisë zërin e saj. Unë besoj se publiku sportiv italian nuk do të duhet të qëndrojë mënjanë. Është e nevojshme që urgjentisht të anullohet vendimi për të luajtur finalen e Superkupës së Italisë në Riad”, tha Lotti.
Ai theksoi se është e mundur për të kuptuar se arsyeja e një finaleje të tillë në kryeqytetin saudit sigurisht që ka interes ekonomik, por theksoi se kjo nuk duhet bëjë që të mbyllen sytë për atë që ka ndodhur në konsullatën e Arabisë Saudite në Stamboll.
“Si ligjvënës në parlament, si ish-ministër e si qytetar, ftoj të rishqyrtohet vendimin për të luajtur finalen e Superkupës në Riad. Unë i bëj thirrje qeverisë që të bëjë të gjitha përpjekjet e mundshme për të mbrojtur vlerat e futbollit italian”, shkruan Lotti.
Më herët është vendosur që finalja e Superkupës italiane mes Juventusit dhe Milanit do të luhet në janar 2019 në Riad. /tesheshi.com/
