Raporti i hartuar nga ministrat teknikë mbi zgjedhjet e 25 qershorit është depozituar në prokurori, ndërsa një nga pikat e evidentuara në të janë edhe punësimet gjatë fushatës. Dokumenti thotë se rreth 3600 persona u punësuan në institucionet e shtetit në kundërshtim me ligjin, duke e cilësuar këtë veprim si një prej formave të përdorura për tjetërsimin e votës.
Sipas dokumentit, institucioni qeveritar që ka realizuar më tepër punësime është Ministria e Brendshme me 83 kontrata, ndërsa pasohet nga ajo e Drejtësisë, e cila ka lidhur kontrata të përkohshme duke punësuar 42 persona vetëm në Agjensinë e Trajtimit të Pronave, duke e justifikuar me ngarkesën e punës në trajtimin e dosjeve.
Ndërkohë, Ministria e Zhvillimit Ekonomik rezulton me vetëm 6 punësime, ndër institucionet qeverisëse.
Operatori i Shpërndarjes së Energjisë Elektrike duket se ka numrin më të lartë të punësimeve në këtë periudhë me rreth 330 persona, ndërsa në pushtetin vendor janë punësuar 298 punonjës.
Raporti në fjalë ka shkaktuar debate të forta politike mes pozitës dhe opozitës, ndërsa kryeministri Rama e cilësoi dokumentin si të njëanshëm dhe aspak professional.
Ja punësimet e kryera gjatë fushatës
Ministria e Brendshme 83 punësime
Ministria e Drejtësisë 62 punësime
Ministria e Zhvillimit Urban 43 punësime
Ministria e Financave 39 punesime
Ministria e Shëndetësisë 36 punësime
Ministria e Bujqësisë 16 punësime
Ministria e Mbrojtjes 14 punesime
Ministria e Mirëqënies Sociale 12 punësime
Ministria e Arsimit dhe Sportit 11 punesime
Ministria e Transporteve 11 punesime
Ministria e Jashtme 11 punesime
Ministria e Zhvillimit Ekonomik 6 punësime
OSHEE 330 punësime
Bashkitë dhe ndërmarrjet e tyre 298 punësime
Prefekturat 6 punësime /tesheshi.com/
