Kreu i Aleancës për Ardhmërinë e Kosovës, Ramush Haradinaj, ka sulmuar ashpër Kryeministrin e Kosovës, Isa Mustafa dhe ka mbajtur një qëndrim korrekt ndaj kreut të Kuvendit Veseli dhe zv.kryeministrit Thaçi.
Në një intervistë telefonike për gazetarin Adriatik Kelmendi në Rubikon, Haradinaj deklaroi se kishte zhvilluar një bisedë telefonike me Ministrin e Jashtëm shqiptar, Ditmir Bushati dhe kandidaten e PD-së për Durrësin Grida Duma.
Haradinaj ka deklaruar se sjellja e qeverisë së Kosovës ka qenë mjaft e dobët dhe ka akuzuar Kryeministrin Isa Mustafa si të paaftë dhe mosnjohës të legjislacionit.
“Procedura më normale është një notë proteste që duhet ta kishte bërë, Isa Mustafa flet për zbatimin e ligjit në këtë kuadër, por ai nuk e njeh ligjin fare, ka 79 dosje në këshillin komunal të Prishtinës dhe ai e di mirë ndaj tij, por nuk ka haber nga ligji”, tha kreu i AAK-së.
Ramush Haredinaj, u shpreh mbi reagimin e Hashim Thaçit dhe Kadri Veselit në lidhje me ekzistencën e fletarresteve të Serbisë që janë të depozituara edhe në Shqipëri e vende të tjera. Ai tha se ishte qëndrim korrekt dhe nuk kishte pse të kritikonte këto qëndrime.
Ndërkaq, duke sulmuar ashpër qëndrimin e Sllovenisë ai tha se ka një moskorrektësi të sjelljes së Lubljanës ndaj shqiptarëve.
“Është një lojë e ndytë e tyre, është një praktikë e talljes me shqiptarë e që duhet ta dinë të gjithë se edhe shqiptarët jemi 7 milionë në Ballkan e të paktën këta që kanë qenë në ish-Jugosllavi nuk mujnë me u tallë me ne. Ata që po bëjnë lojë të ndytë le ta ndalin lojën e ndytë, qoftë autoritetet sllovene qoftë kushdo qoftë edhe në Kosovë në qoftë se është pjesë e kësaj loje të ndytë”, tha kreu i AAK-së.
Haradinaj komentoi edhe rezolutën e nxjerr sot nga Kuvendi i Kosovës.
“Kuvendi ynë ka kry detyrën e vet. Deputetët kanë kry detyrën e vetë. Për këto raporte Slloveni-Kosovë përgjegjësinë e mban Lubjana me veprimet e veta të paskrupullta që janë idioteske që thirret në një fletëarrestë të Interpolit të Beogradit”, tha Haradinaj.
Ndërkaq edhe politika sllovene është përçarë fort pas ndalimit të ish-kryeministrit të Kosovës nga autoritetet e Lubljanës. Ish’kreu i qeverisë së Sllovenisë, njëkohësisht kreu i partisë së qendrës së djathtë, Janez Jansha, në një reagim në twitter, theksoi se “Ndalimi i Ramush Haradinajt është një fatkeqësi i qeverisë sllovene. Tek ne ka njo lob të fortë komunist dhe jugosllav”, shkruan Jansha.
Linku video
https://www.youtube.com/watch?v=ZFEqUNTO2LA
/tesheshi.com/
