Ramush Haradinaj vjen nga Sllovenia në Tiranë. Kreu i Aleanncës për Ardhmërinë e Kosovës sapo ka zbritur në aeroportin e Rinasit me një fluturim nga Lubjana të linjës
Lubjanë Tiranë. Mësohet se zoti Haradinaj është pritur nga familjarë të tij dhe miq e mbështetës.
Sapo ka zbritur nga avionic, kreu i AAK’së ka deklaruar se ndalimi i tij ka qenë një lojë e pistët me një document të një shteti që nuk ekziston më.
Autoritetet sllovene mësohet se i kishin ofruar një avion privat , Ramush Haradinajt për të u kthyer në Kosovë, si një ndjesë për atë që kishte ndodhur me të. Por ai vetë e kishte refuzuar një gjë të tillë, duke preferuar që të udhëtonte drejt Rinasit të Tiranës dhe më pas në Prishtinë.
“Ne i kemi ofruar mundësin që t’ia sigurojmë kthimin në Kosovë përmes një linje të veçantë, por Haradinaj ka qenë këmbëngulës dhe ka refuzuar një gjë të tillë”, ka treguar burimi për RTV Dukagjinin.
Haradinaj, pas 48 orë qëndrimi në Slloveni për shkak të një fletë-arresti serb të vitit 2004, është lënë i lirë ta lëshojë këtë shtet. Por, e gjitha kjo, sipas Gjykatë në Kranj, ka ndodhur vetëm pas dorëzimit të notës verbale nga Ambasada e Kosovës në Lubjanë në adresë të Ministrisë së Punëve të Jashtme të Sllovenisë.
Me këtë notë është kërkuar që Haradinajt t’i kthehet pasaporta. Në notë thuhet se Haradinaj, ish-udhëheqës i Ushtrisë Çlirimtare të Kosovës, tash lider i AAK-së dhe deputet i Kuvendit të Kosovës, i cili ka qenë kryeministër në vitin 2004-2005 – kthehej nga një mision special diplomatik jashtë vendit./tesheshi.com/
