Është punë e kryer. Stadiumi nacional i futbollit do të ndërtohet në fshatin Korroticë të Drenasit, përballë Parkut të Biznesit, e jo ku ishte planifikuar nga qeveria “Mustafa” në Bërnicë të Poshtme. Këtë e ka konfirmuar të enjten ministri i Kulturës, Rinisë dhe Sportit (MKRS), Kujtim Gashi, shkruan “Koha Ditore”.
Ai ka kërkuar nga zyrtarët e Departamentit të Sportit që sa më shpejt të nisin punën për kompletimin e dokumentacionit për të proceduar tutje rreth projektit në Drenas, që nuk dihet saktë kur do të nisë, kur do të përfundojë e as kush do të investojë.
Kutjojmë se ideja e Lladrovcit që stadium të ndërtohet në fshatin Korreticë të Drenasit që ndodhet në magjistralen Prishtinë-Pejë ngjalli reagime të Avni Arifit këshilltar i Haradinajt e kreut të Prishtinës Shpend Ahmeti por jo vetëm, por që u mbështet nga deputetët e PDK-së duke thënë se ky lokacion është i përshtatshëm edhe për faktin se Aeroporti gjendet afër dhe njëkohësisht gjendet në mes të Kosovës.
