Kryeministri Rama zbuloi një ndër detajet e suksesit izraelit në vaksinim, shtetet që është bërë lider global në këtë proces. Aty, sipas asaj çfarë tha shefi i qeverisë shqiptare, ka patur një element bixhozi por jo klasik.
“Ka shtete që janë në hall për vaksinën. Po ka halle e halle se tjetër është Gjermania, tjetër Italia dhe tjetër jemi ne, tjetër janë disa vende që s’kanë nisur ednde procesin e vaksinimit e s’dinë se ku do nisin.
Por ne s’jemi kjo kategori, sigurisht që s’jemi në nivelin e Izraelit që ka vaksinuar shumë, duke paguar me trefishin e cmimit para se vaksina të prodhohej, pra ka parablerë gjithë vaksinën, duke rrezikuar që nëse nuk aprovohej vaksina të humbte edhe paratë. Ndërkohë nxituan edhe të tjetër përballë një kompanie Pfizer, e cila nuk mund të furnizonte gjithë botën. Shfrytëzova talentin e lypsarit dhe ia dola për një kontratë.
Brenda marsit e gjithë sasia që do vinte, do të vijë. Jemi në diskutime me të tjerë, ndërsa me Pfizer kemi çdo ditë çdo ditë kontakte për të afruar dozat”, tha Rama gjatë një bashkëbisedimi në Fier, duke sqaruar situatën dhe planin e vaksinimit. /tesheshi.com/
