Kryeministri Edi Rama ka tërhequr vëmendjen për veshjen e tij sportive edhe në Bruksel. Në një foto zyrtar me Përfaqësuesen e BE për Politikën e Jashtme, Federica Mogherini dhe liderët e vendeve të Ballkanit, Rama ishte i vetmi pa kostum dhe kravatë.
Po kjo veshje nuk ka qënë një pakujdesi nga ana e tij, përkundrazi duket si një veprim i menduar për të tërhequr vëmendjen, ashtu siç bëri në Parin me tri lapsat me ngjyra në xhepin e xhaketës.
Dhe ia ka arritur dhe këtë herë.
Media gjermane DW shkruan se “Kryeministri i Shqipërisë, Edi Rama, erdhi në takim me veshje joformale dhe nuk dha ndonjë deklaratë para takimit me Mogherinin. Por veshja e tij joformale la përshtypje të madhe tek të gjithë gazetarët e shumtë nga të gjitha vendet e Ballkanit dhe ishte ndër temat më të komentuara anësore”.
“Pas darkës së përbashkët me Mogherinin, Isa Mustafën nga Kosova, Aleksandar Vuçiçin nga Serbia, Denis Zvizdiçin nga Bosnje-Hercegovina, Zoran Zaevin nga Maqedonia dhe Dushko Markoviçin nga Mali i Zi, kryeministri i Shqipërisë në veçanti nënvizoi nevojën e bashkëpunimit rajonal dhe afrimit të vendeve të rajonit me Bashkimin Evropian”- raporton DW.
