E ndërsa kryeministri Rama vizitonte modelet e suksesit në tregun bujqësoro-blektoral të Lushnjës, pak më tutje, në Rrogozhinë, kreu i opozitës Basha ofronte tjetër realitet. Duke u takuar me fermerë të vegjël, ai përcolli gjendjen e tyre, sipas Bashës, më rëndë se sa biznesi.
“Gjendja e fermerëve dhe atyre që shesin prodhimet e tyre është me e keqe se gjendja e bizneseve. Konsumi ka rënë, rrinë këtu me orë të tëra. Bëjnë 20 mijë lekë xhiro në javë, jo në ditë. Askush nuk ka parë ndihmë me sy. Gjendja e fermerëve është ë rënduar. Bujqësia shqiptare ka 7 vjet në krizë të thellë. Por këtë vit me asnjë lloj mbështetje gjendja është kritike”, tha Basha, një realitet që sipas tij duhet ndryshuar me votë.
“Shpëtimi i vetëm është që ju me votën tuaj t’i drejtoheni kutive të votimit dhe t’i kthehemi normalitetit”, ju drejtua Basha atyre që i ankoheshin. /tesheshi.com/
https://www.facebook.com/lulzimbasha.al/videos/580268259587868/?t=11
