Në nisje të muajit të Ramazanit, veç urimit kortezial, kryeministri Rama ishte në ambientet e brendshme të Xhamisë së Et’hem Beut, e cila ka qenë në rikonstruksion për gati tre vite.
Duke parë shkëlqimin e brendshëm të asaj që konsierohet si vlera më unike e tradhëgimisë islame në Shqipëri, Rama shprehu pezmin por dhe kënaqësinë që Ramazani këtij viti, edhe pse sërish nën pandemi, do kishte gjithsesi më liri, kjo falë orë së zgjeruar policore.
“Deri përpara një muaji ishte e paimagjinueshme që do hynit në muajin tuaj më të rëndësishëm të vitit të shtrënguar jo pak nga pandemia dhe me zgjatjen e orarit do keni mundësi të bëni të gjithë ritualet. Ky muaj do jetë energjizues.
I uroj të gjithë komunitetit një muaj agjërimi të pranuar edhe Zoti qoftë me ju edhe shqiptarët”, tha i pari i qeverisë i shoqëruar nga i pari i muslimanëve, kreu i KMSH-së Bujar Spahiu.
Ndërsa për xhaminë, Rama u shpreh më herët: “Ky xhevahir i Trashëgimisë sonë Kulturore është kthyer në krejt shkëlqimin e vet, pas një pune të gjatë milimetrike, që ka nxjerrë gjithçka fshihej nën shtresat e kohërave dhe sot është vendi ideal, për të uruar Muajin e Madh të Ramazanit me besimin e madh se ky do të jetë edhe një muaj i afrimit vendimtar me dritën në fundin e tunelit rraskapitës të pandemisë”. /tesheshi.com/
