Rama sjell “lajmin e mirë” për Kosovë-Serbinë

Kryeministri a bërë të ditur se ideja e një konference në nivelin më të lartë për arritjen e një marrëveshjeje të plotë për zbatimin e planit franko-gjerman mes Serbisë dhe Kosovës është duke përparuar.

Rama tha se Prishtina duhet të dëshmojë me veprime se është e gatshme të jetë pjesë e procesit të Berlinit.

“Lajm i mirë për ecurinë e idesë së një konference në nivelin më të lartë, pa afat, për të arritur një marrëveshje të plotë për zbatimin e planit franko-gjerman ndërmjet Serbisë dhe Kosovës, i cili u mbështet nga Presidenti ( i Këshillit Europian) vetë Charles Michel”, shkruan Rama në Twitter.

Ai tha se rajoni nuk mund të tërhiqet në një “konflikt krejtësisht të pakuptimtë, absurd”, ku “luan me zjarrin e nacionalizmit” dhe minon atë që u arrit me, siç tha ai, një përpjekje të madhe të bashkëpunimit rajonal.

“Sot politikanët e Kosovës duhet të dëshmojnë me vepra e jo me fjalë se ky rajon i përket Procesit të Berlinit”, tha Rama.

Procesi i Berlinit është një nismë ndërqeveritare, qëllimi i së cilës është të lidhë vendet e Ballkanit Perëndimor dhe Bashkimin Evropian në rrugën e tyre drejt anëtarësimit në BE dhe t’i ndihmojë ata të ndërtojnë marrëdhënie të ndërsjellta mbi bazën e vlerave evropiane. Nisma u themelua në vitin 2014 në Berlin me kërkesë të kancelares së atëhershme gjermane Angela Merkel, si një kontribut në perspektivën e zgjerimit të BE-së. /tesheshi.com/