Kryeministri Rama njoftoi anullimin e të gjitha qerave që i përkasin bisnesit të vogël, të papunëve, por dhe studentëve.
“Me aktin normativ për masat e veçanta do të ndalohen pagesat e qerave nga ana e bizneseve të vogla dhe familjarëve të regjistruar në punë, që kanë ndaluar punën për shkak të luftës!
Kush ka humbur punën në të zezë dhe ka këtë hall, mund të përfitojë nga kjo masë vetëm duke denoncuar punëdhënësin!
Kjo masë mbështetëse vlen edhe për studentët që jetojnë me qera!
Qeradhënësit do të ndalohen t’u kërkojnë pagesën mujore këtyre subjekteve ose do të penalizohen me gjobë sa pesëfishi i vlerës së qerasë përkatëse!
Për çdo rast presioni nga qeradhënësit, subjektet qeramarrës të dy kategorive të mësipërme, të drejtohen në faqen online të drejtorisë së përgjithshme të tatimeve!
Qeradhënësit nga ana e tyre janë të mirëpritur të depozitojnë çdo ankesë të mundshme në të njëjtën faqe online të Drejtorisë së Përgjithshme të Tatimeve.
Kjo luftë kërkon medoemos që kushdo ka një mundësi më shumë, të solidarizohet me fakte jo me fjalë, për këdo që s’ka asnjë mundësi të mbijetojë pa solidaritet”, shkroi Rama në FB. /tesheshi.com/
