Shefi i qeverisë së Tiranës, Edi Rama duket nuk i ka shpëtuar tundimit për të publikuar një dokument nga paria e Durrësit, të vitit 1912, duke rilindur rubrikën e tij “Amacord” në Facebook, pasi një nga firmëtarët e kësaj shkrese të parisë së Durrësit është edhe stërgjyshi i tij.
Rama publikoi një dokument të 26 nëntorit 1912, të cilin ia ka dërguar një i apasionuar dhe ka dhënë fjalë për fjalë edhe mesazhin e personit në fjalë, duke e falënderuar.
“Me kërkesë të Ismail Qemal Vlorës dhe e gjetur para rrezikut të pushtimit të qytetit nga ushtria serbe, paria e Durrësit vendosi më 26 nëntor të vitit 1912 të nënshkruajë Aktin e Përfaqësimit dhe të delegojë përfaqësuesit e Durrësit në Kuvendin Kombëtar të Vlorës. Fill më pas ata ngrejnë flamurin kombëtar në selinë e mytesarifit.
(Një nga firmëtarët e aktit është edhe Kristaq Rama i Vjetri:-)”, shkruan Kryeministri për të gjithë të apasionuarit pas historisë. /tesheshi.com/
