Kryeministri Rama ka mohuar që frazat e Saimir Tahirit, ato që i përkasin fjalorit të tij, të hershme apo të vona, të jenë të kodifikuara si presion për të.
“Që unë të kopjohem nga ata që në njëfarë mënyre janë rritur në hijen time, kjo nuk është çudi”, tha Rama në Real Story.
Rama mohoi kategorikisht që nga Tahiri të mund të kishte ndonjë presion mbi batutat e këtij të fundit.
“Më bën për të qeshur që mua Saimir Tahiri apo dikush tjetër të më bëjë presion”, theksoi Rama. Kryeministri shtoi se e njeh mirë Tahirin dhe se e di si funksion ai.
Nga ana tjetër Rama ripërsëriti atë çfarë tha një ditë më parë se ndaj Saimir Tahirit deri më tani nuk kishte asnjë provë nga Krimet e Rënda.
“Nëse do të ketë, e presim të na e paraqesë dhe ne do e japim autorizimin (për arrestim)”, theksoi Rama, duke iu përgjigjur pyetjeve të gazetarit Sokol Balla. /tesheshi.com/
