Rama promovon punën: Asgjë s’vjen nga qielli!

Kryeministri Rama promovoi idenë e punës dhe vetëm punës për t’i arritur gjërat, gjatë takimeve në Gramsh dhe Belsh.

“Asgjë nuk bie nga qielli përveçse shiu. Asgjë nuk del nga toka përveçse me sakrificë, me djersë, me punë”, tha Rama, duke rikthyer në kujtesë firmat e dikurshme piramidale të kundërshtarit politik.

“Vetëm duke u përballur sy më sy me sfidat ato mund të fitohen. Duhet luftuar për t’i zgjidhur gjërat. Jo duke u ankuar apo duke fjetur gjumë”, theksoi kreu i mazhorancës.

“Ka një dallim të madh mes nesh dhe atyre: ne jemi forca e karakterit të të gjithë atyre që nuk e kanë mëngjesin një rrugë nga shtëpia në kafe, por të atyre që mendojnë se çfarë do nxjerrin me punë për familjen e tyre.

Nuk ka receta çudibërëse, shtysa që mua më nxjerr çdo ditë nga shtëpia, është që të bëj gjithçka mundem që Shqipëria të jetë më mirë nesër”, tha Rama. /tesheshi.com/