Kryeministri Rama paralamëron masa ndaj kompanive që deklarojnë punonjësit me rrogë minimale për të përfituar nga pagesat për sigurimet. Kështu gjatë komunikimit javor në “Facebook”, Edi Rama tha se janë identifikuar 42 mijë të punësuar që deklarohen nga kompanitë me pagë minimale dhe kjo, sipas tij, është e patolerueshme.
“Megjithë arritjet, së fundmi janë identifikuar 42 mijë të punësuarve të deklaruar me pagë minimale, 30 mijë në muaj. Por kjo është e pajustifikuar për këto kompani, të cilat shkelin haptas të drejtat e punonjësve. Duke i bërë bisht pagesës për tatimin e fitimit për pensionin. Kjo situatë nuk do të tolerohet”, tha Rama.
Kryeministri u kërkoi kompanive të futen në një proces të shpejtë vetërregullimi duke folur për masa të ashpra. /tesheshi.com/
