Edi Rama, kryeministri shqiptar, do të jetë nesër për një vizitë zyrtare në Kosovë për të marrë pjesë ne ceremoninë e betimit të Presidentit të ri të Kosovës, Hashim Thaçi.
Burime zyrtare i thanë tesheshi.com se përveç pjesëmarrjes në ceremoni, Rama do të takohet me Thaçin në veçanti, homologun e tij kosovar, Isa Mustafa dhe me kreut e Kuvendit, Kadri Veseli.
Aktualisht, vetëm kreu i Kuvendit ka paralajmëruar axhendën e tij se do të presë kryeministrin shqiptar në orën 13.15.
Ndërkaq, mësohet se Gjermania ka dërguar një zyrtar të lartë për të marrë pjesë në ceremoninë zyrtare të instalimit të Hashim Thaçit, përkatësisht: i dërguari i posaçëm i Ministrisë së Jashtme gjermane për Evropën Juglindore, Ernst Reichel. /tesheshi.com/
