Rama në Tropojën e “Rilindur”, i thurr lavde kryebashkiakut demokrat

“Tropoja e Rilindur”,  e quante kryeministri Edi Rama pak muaj më parë qytetin ku ka prejardhjen kundërshtari i tij më i fortë politik, ish-kryeministri Sali Berisha.

Në një bashkëpunim me kreun e bashkisë së këtij qyteti,  Besnik Dushaj i Partisë Demokratike qeveria e majtë arriti të bënte investime në rilindjen urbane të qytetit.

Simpatia e Ramës për Dushajn është e hershme, por sot gjatë takimit elektoral në Tropojë ai ndihej i qetë dhe optimist për votën dhe pse Tropoja njihet si një abstion demokrat.

Rama i thuri lavde kryebashkiaut demokrat dhe punës së bërë në bashkëpunim.

“Ju e dini mirë që kryetari i bashksië së Tropojës është i PD, por kjo nuk më ka penguar të mbështes Tropojën dhe do vijoj t’a mbështes pasi e kanë zgjedhur qytetarët e Tropojës dhe për ne mbi partitë është Tropoja.

Ne nuk i paragjykojmë kryetarët e bashkive, përkundrazi jemi të gatshëm të bashkëpunojmë. Nuk është faji i im që në Shkodër nuk ka kryetar bashkie, në Pogradec nuk ka kryetar bashkie e në disa të tjera ku kryetarët rrinë tundin flamurin e PD.

Kryetari i bashkisë këtu ka bërë gjithë këto punë se ka pasur nxitjen inkurajuese që i kam dhënë personalisht. Por ama, shkuat votuar Lulin, e latë dhe kryetarin e bashksië pa punë”, tha Rama.

Ai nuk harroi të bënte dhe disa batuta në drejtim të Berishës.

“Do thoni ju si t’ja bëj unë që e kam zemrën te Saliu? Mbaji në zemër po të duash, por vota nuk është punë zemre”, tha Rama./tesheshi.com./