Kryeministri Rama ishte në Shkodër për të vëzhguar procesin e vaksinimit, ku tha se hezitimet ndaj AstraZeneca-s, edhe të përligjura deri diku, po shuhen dalëngadalë.
“Vazhdojmë procesin e vaksinimit, i cili po ecën mjaft mirë, pavarësisht luhatjeve dhe ngurrimeve të krijuara ditët e fundit për shkak të lajmeve për AstraZeneca-n dhe pezullimit në disa vende. Deri tani nuk ka asnjë problem, po rritet numri i mësuesve për t’u vaksinuar.
Është normale që të ketë hezitime. Për ne është e rëndësishme që të rrisim intensitetin. Besoj që do kemi më në fund lajme të mira dhe do të kemi në disponim një sasi të konsiderueshme vaksinash për t’u shtrirë përtej këtyre kategorive, për të marrë mbarë gjithë kategorinë e moshave mbi dhe nën 60 vjeç”, tha Rama.
Ai dhe njëherë i kërkoi kreut të opozitës Basha që të sajojë skena politike me risk shëndeti.
“Sigurisht që vaksinimi është njëra anë e medaljes së kësaj rruge dhe ana tjetër është respektimi i rregullave. Nuk janë sjellje të partive politike por në këtë rast janë partitë e KÇK që dalin bashkë me dhëndrin përpara dhe gjoja spontanisht mblidhen disa dasmorë me dy gishta, që potencialisht krijojnë një vatër infektimi”, theksoi kreu i mazhorancës. /tesheshi.com/
