Kryeministri Edi Rama ka deklaruar në OKB se Serbia duhet të njohë Kosovën pasi kjo gjë do t’i bëjë mirë asaj dhe të gjithë rajonit.
Në fjalën e mbajtur në Asamblenë e Përgjithshme të OKB-së, Rama tha se “Pas vitesh me luftëra e konflikte, vitin e kaluar nuk drejtuam armët ndaj dritareve të fqinjve. Ballkani ka hyrë në një proces paqeje dhe iu bëjmë thirrje atyre vendeve që s’e kanë njohur Kosovën ta bëjnë këtë. Njohja e Kosovës do të jetë mirë edhe për vetë Serbinë”, ka thënë Rama. Kreu I qeverisë ka përmendur se në këtë drejtim ishte fokusuar edhe vizita e tij vitin e kaluar në Beograd.
Rama ka përmendur reformat që po ndërmerr qeveria e tij, të cilat, siç tha ai, do të shtrihen në arsim, ekonomi e drejtësi.
“Vende të vogla e të mëdha të bëhen bashkë dhe të ecin drejt zhvillimit. Le t’u mësojmë fëmijëve tanë vlerën e tolerancës, respektit dhe mirëkuptimit”, e ka mbyllur mesazhin e tij kryeministri shqiptar.
/tesheshi.com/
