Ndërsa fushatën e kaluar ishte areoporti i Kukësit si kartë kryesore elektorale për t’jua marrë votën kuksianëve, pas katër vitesh ky areoport nuk përmendet më nga kryeministri Rama. I gjendur në Kukës për fushatë, ai as që e pati ndokund në thirrjen e tij për votë, duke mos e ofruar dot si bilanc përfitimesh ekonomike për zonën, siç pretendonte paka katër vitesh.
Në qytetin verior me boshatisje të frikshme prej ikjeve frenetike, njeriu që qeveris Shqipërinë nën dehje turistësh që dehen nga Shqipëria, tha pabesueshëm se nën të Kukësi mund të arrijë një milion turistë në vit(!!!).
“Kur unë thoja që Tropoja do të bëhej një nga destinacionet turistike dhe këtu do të vinin shumë turistë dhe këtu do të jetonin me turistët, kuptohet se isha një qen komunist që duhet të ikja një orë e më parë nga Tropoja dhe nuk besonte njeri, ndërkohë që besonin një komunist tamam, se unë nuk jam e nuk kam qenë. Ndërkohë që sot Tropoja e ka të hapur rrugën e destinacionit turistik.
Me Paketën e Maleve do të ketë zhvillime të reja jam i bindur sepse Paketa e Maleve në Tropojë zgjidh edhe problemin e gështenjave fjala vjen sipas tyre që janë prona me trashëgimi zakonore.
Ndërkohë që po ju them sot që potenciali i Kukësit, nëse ne së bashku arrijmë të kombinojmë të krijojmë atraksionin duke vendosur në qendër si një magnet qytetin e nëndheshëm për të cilin po përgatisim një konkurs ndërkombëtar për ta kuptuar ekzaktësisht si do të zhvillohet dhe në konkursin ndërkombëtar do të përfshihet edhe Hotel Turizmi”, u shpreh Rama.
Megjithatë, areoporti që do “bënte namin” nuk u dëgjua në asnjë frazë prej tij. /tesheshi.com/
