Kryeministri shqiptar Edi Rama, ka shprehur publikisht vlerësimin e qeverisë gjermane, e cila një ditë më parë shtroi një kërkesë të fortë ndaj Shkupit për ngjarjet e fundit.
“Mirënjohje Gjermanisë për kërkesën publike për hetim ndërkombëtar për Kumanovën! Drejtësia për Kumanovën gur në themelin e bashkëjetesës”.
Të mërkurën Ministri I Jashtëm gjerman Frank-Walter Steinmeier, gjatë një conference të përbashkët për shtyp me homologun e tij shqiptar, Ditmir Bushati, theksoi zgjidhjen sa më parë të krizës politike në vend, evitimin e konvertimit të saj në një krizë ndëretnike dhe me pasoja për stabilitetin rajonal. Te dy Ministrat bënë thirrje për një investigim të plotë, transparent dhe profesional të ngjarjeve në Kumanovë si e vetmja mundësi për të rikthyer besimin tek institucionet”.
