Kryeministri Rama është futur si “pa dashur” në debatin mes Romës dhe Brukselit lidhur me valën e emigrantëve nga Afrika. Duke komentuar për Corriere della Sera marrjen nga Shqipëria të 20 eritreas, kreu i qeverisë shqiptarë gati i doli krah Romës “Italia ka bërë shumë për ne dhe për Evropën; por për një kohë të gjatë ajo është lënë vetëm”, tha Rama.
Edhe në pyetjen se a do të pranojë Shqipëria më shumë emigrantë në të ardhmen, Rama sërish shpotiti Unionin. “Nuk do ta zgjidhte problemin. Shpresoj që Evropa të zgjohet dhe se të gjithë do të bëjnë pjesën e tyre”.
Krah Romës ishte dhe kur u pyet rreth faktit se ishte pikërisht Salvini ai që u pozicionua kundër hapjes së negociatave me Tiranën. “Nuk dua të gjykoj, nuk do të zgjidhte asgjë. Qëllimi është një pozicion i unifikuar evropian që për fat të keq nuk është sot”, tha Rama. /tesheshi.com/
