Kryeministri Rama ishte në Roshnik të Beratit për të promovuar vlerën e fshatit, nëse vendos të meresh me agroturizëm.
“Janë 100 milionë lekë për programin ‘100 fshtrat’ për të gjithë ata që kanë një ide dhe që duan të bëhen pjesë e këtij procesi. Kush investon në agroturizëm garanton një ekonomi të qëndrueshme familjare dhe nëse projekti zhvillohet krijohet edhe punësim për të tjerët. Financim për ata që kanë një ide për t’u zhvilluar”, u shpreh Rama.
Sipas tij, edhe të rinjtë duhen ta shohin këtë si mundësi. “Ajo që vlen të theksohet është që ne duam të bëjmë çmos që të përfshijmë edhe të rinjtë që e kanë parë gjithmonë të ardhmen jashtë fshatit, duke menduar se jashtë fshatit ka më shumë mundësi se brenda në fshat. Patjetër jashtë fshatit fitohet më shumë kur brenda në fshat nuk ka asnjë mundësi, por me mundësitë që ne kemi krijuar, që thjesht shtëpinë tënde ti ta kthesh në një mekanizëm ekokomik duke e kthyer në një pikë mikpritjeje për të cilën ne qeveria të japim kontributin”, theksoi shefi i qeverisë. /tesheshi.com/
