Kryeministri Rama vizitoi disa nga të plagosurit e tërmetit, ku bëri thirrje për të reflektuar në këtë fatkeqësi. “Është një rast i mirë për të kuptuar që kemi bërë shumë gam gam gam dhe kemi harruar që jeta është pak më ndryshe se gam-gami i përditshëm. Unë u siguroj se sikur bëmë me të gjitha familjet në Korçë do të bëjmë edhe tani, janë shumë. Ne do të dalim më të fortë nga kjo histori, por fatkeqësisht nuk do të dalim të gjithë, pasi disa nuk janë më. Është një moment i rëndë, krizë reale, jo artificiale, por edhe moment për t’u bërë pak më të mirë dhe njerëzor nga ky leksion jete”, deklaroi Rama.
E ndërkohë që shpalli të mërkurën si “ditë zie”, shefi i qeverisë dhe një përgjigje atipike për pytjen nëse do shpallte gjendjen e jashtëzkonshme.
“Është e çuditshme që e dëgjoj këtë pyetje nga mëngjesi deri në darkë, nuk ka kuptim sot, cfarë do të thotë? Akti formal i gjendjes së jashtëzakonshme nuk është se sjell më shumë sesa ka sjellë.
Natyrisht nesër është dita për të menduar të gjitha edhe këtë që po thoni ju, nejse, ju jeni të pafajshëm, të fajshëm janë ata që vijojnë të cysin edhe sot. Ne do i vlerësojmë të gjithë, por një gjë është e sigurt, këta njerëz do të trajtohen në mënyrë dinjitoze nga strehimi”, shtoi Rama. /tesheshi.com/
