Në një fjalim të gjatë në parlament, kryeminstri Rama ka pranuar gabimin në mospërgatitjen e psikologjike të opinionit, sidomos të atij kuksian, përpara nisjes së tarifimit të Rrugës së Kombit.
Ai ka denoncuar opozitën që sipas tij, edhe pse vetë përgatiti një tender për pagesën e rrugës, madje me 8 deri 9 euro, sot po shfrytëzon pakënaqësinë e njerëzve, siç tha për t’i përdorur si “mish për top”.
“Megjithatë, meqënëse opozita nuk është këtu, unë nuk do të merrem me psetë dhe sitë e opozitës që e ka humbur rrugën dhe kërkon të tërheqë sa më shumë njerëz në rrugën e saj pa krye, por do të merrem me atë që është detyra jonë e ditës, shpjegimi me durim i çështjes që ka krijuar pakënaqëisnë legjitime të banorëve të zonës së Kukësit dhe sigurisht ajo që duhet përsëritur nga ana ime dhe nga ana e qeverisë, qysh në krye të çdo diskutimi për këtë çështje, është vetëdija për përgjegjësinë time dhe përgjegjësinë tonë, për pamjaftueshmërinë e shpjegimeve, vetësqarimeve lidhur më këtë çështje. I kam kërkuar ndjesë publike banorëve të zonës dhe do t’ia kërkoj sa herë do flaism për ktë temë. Jemi nisur thjesht nga prtaktika ndërkombëtare dhe si eksperincë e parë, nuk kemi qenë mjaftueshmërisht të përgaitur”,
Rama mbrojti pagesën duke ofruar të dhëna shifrore, sidomos të borxheve dhe interesave bankare që duhen paguar çdo vit për koston e ndërtimit të Rrugës së Kombit.
A tha se mes një politikani që preferon duartrokitje sot për ta çuar vendin në greminë nesër, e mes atij që pranon ta shahet për të nxjerrë vendin nga gremina e së nesërmes, preferon këtë të dytin.
Po ashtu, Rama mbrojti konçensionet e qeverisë së tij, duke thënë se ato nuk kanë cenuar xhepat e qytetarëve dhe se kanë dhënë zgjidhje për shumë çështje. /tesheshi.com/
