Më së fundi, shefi i qeverisë shqiptare ka folur për rastin e libanezit të rrahur e të larguar nga Shqipëria, Fadi Mitri, përfaqsues i kompanisë “OMNIX Albania” që do të ngrinte në Gjirin e Lalzit një resort në vlerën e 180 milion eurove.
I diktuar nga fakti se ishte ish-kryeministri Berisha ai që e akuzoi Ramën për libanezin e rrahur, ky i fundit tha se ai ishte viktimë e sistemit të ngritur nga Berisha. “Siç është sqaruar dhe në deklaratën e kompanisë, kjo qeveri ia mundësoi gjithçka për të investuar”, tha Rama.
Më pas shefi i qeverisë shqiptare tha se atë e rrahu gjykatësja e sistemit të drejtësisë që ngriti Berisha. Rama përmendi faktin se një vendim gjyqësor i saj që riktheu pronën brenda zonës së investimit për diku që kishte kositur barin, ishte shkaku i rrahjes së biznesmenit.
Fjala është për gjyqtaren Joana Qeleshi, e cila në një vendim gjyqësor lidhur me një pronë në zonën e investimit në Lalëz, ia kthente atë dikujt me arsyetimin social se ai, pronari i legjitimuar, e kishte kositur barin aty për disa viteve, duke u kujdesur pra për atë pronë. /tesheshi.com/
