Për herë të parë, Edi Rama ka shpjeguar atletet e bardha me kostum, promovuar për herë të parë në Samitin e Triestes në gusht. Rama tha se nuk ka qenë diçka e qëllimtë por krejt aksidentale.
“Ishte vapë dhe më vriste një prej këpucëve. Me vete kisha dhe atletet dhe vendos t’i veshë ato”, ishte shpjegimi i Ramës, i ftuar në “Provokacijan” e Mustafa Nanos në ABC News. Rama e ka komentuar gjithashtu aksidentin e atleteve si diçka që ndodh në botës e modës.
E si për ta përligjur aktin e tij, Rama solli si shembull regbinë si lojë në Amerikë, që siç shpjegoi ka lindur nga një gjest transgresiv prej një prej lojtarëve që po luante futboll. “Ky transgresion më pas u kthye në rregull”, tha Rama.
Gjithashtu, ai solli dhe shembullin e Joshka Fisherit, ish-ministrit të Jashtëm gjerman, që gjatë një akti betimi në prej parlamenteve të Landeve të Gjermanisë, mbante veshur atlete.
Ndërsa sa për poturet, tha se ato i pëlqenin dhe se ndihej komod me to. /tesheshi.com/
