Edi Rama dhe Lulzim Basha kanë replikuar për ngjarjen më të rëndë që ka ndodhur, siç është vrasja e oficerit të Policisë në Shkodër, Simon Gjeta.
Pas konferencës së shtypit të PD-së ku është akuzuar ministry Saimir Tahiri, Rama ka shkruar në faqet e tij në rrjetet sociale:
“Vajmedet PD që dhe ditën e rënies së punonjësit të policisë në krye të detyrës s’të nxjerr goja një fjalë solidariteti po veç llum e për lumë”.
I menjëhershëm ka qenë edhe reagimi i kryetarit të PD-së, Lulzim Basha, i cili në deklarate shkruante se ai dhe partia që ai drejton u solidarizuan të parët me familjen dhe forcat e policisë mbrëmë sapo ngjarja ndodhi. “S’ka gjë më të turpshme të sulmosh opozitën ditën e rënies së oficerit në krye të detyrës”, shkruhet në deklaratën e kreu të PD-së.
Më tej Basha thotë se Rama, “tani që i plasin në fytyrë lidhjet kriminale të ministrit të Brendshëm mbrohet duke sulmuar opozitën dhe duke keqpërdorur me ligësi perverse të rënët në krye të detyrës. Marre e turp për këtë vajmedet Kryeministër”.
/tesheshi.com/
