“Bashkëpunimi midis dy kombeve më të mëdha në Ballkan, shqiptarëve dhe serbëve, është i vonuar për më shumë se 20 vjet, kështu që nuk duhet të humbasim momentin kur dialogu është i hapur, njofton B 92.
Kështu kanë theksuar kryeministrat e Shqipërisë dhe Serbisë, Edi Rama dhe Aleksandar Vuçiç në programin e Qendrës për Demokraci dhe Pajtim në Evropën Juglindore.
Ata gjithashtu theksuan se ata duhet të rinisin bisedimet që për 25 vjet më pas të mos ankohen për mundësitë e humbura.
Intervista është filmuar në Vjenë në fund të Samitit për Ballkanin Perëndimor, dhe transmetohet disa ditë më vonë, në disa televizione në gjuhën shqipe si RTSH, RTK, Alsat M, në gjuhën serbe RTS dhe në televizionet kombëtare në Slloveni, Kroaci, Bosnjë dhe Hercegovinë dhe Republika Serbska.
Kryeministri serb tha se ai është i interesuar të bëjë çdo gjë që është e rëndësishme për të ardhmen e qytetarëve të Serbisë dhe në rajon dhe rikujtoi se ai dhe homologu i tij shqiptar para Samitit në Vjenë kanë diskutuar mbi shumë tema duke filluar nga politike, por edhe ato ekonomike si të infrastrukturës, që janë në interes të një jetë më të mirë dhe të ardhmes së dy popujve.
Kryeministrat thanë se është e nevojshme që popujt të njohin njëri-tjetrin më mirë, për të punuar së bashku, për projekte të përbashkëta që çojnë në rritjen e punësimit të të rinjve në të dy vendet, duke shtuar se BE i jep mbështetje të plotë për programin e shkëmbimeve rinore ndërmjet vendeve të Evropës Juglindore.
Në emisionin “Okruzhenje” mori pjesë edhe ish.ministri i Jashtëm i të ndjerit Zoran Xhinxhiç, Goran Svilanoviç, Sekretari i Përgjithshëm i Këshillit për Bashkëpunim Rajonal.
Emisioni do të transmetohet në tv-të kombëtare në datën 31 gusht. Ky program i veçantë, i cili është zbatuar nga, Qendra për Demokraci dhe Pajtim në Evropën Juglindore, një OJF me bazë në Selanik, e cila ishte një mundësi për të folur hapur rreth interesave të përbashkëta dhe problemet që pengojnë realizimin e atyre interesave.
Biseda u drejtua kreu i Qendrës, Zvezdana Kovaç dhe zëdhënësi i Këshillit për Bashkëpunim Rajonal Nenad Sebek.
/tesheshi.com/
