Në të parën intervistë për 2020-ën, kryeministri Rama e lidhi vitin e saponisur me vizione; atë të rindërtimin nga tërmeti e tërmetit ndaj krimit.
“2020 është një vit kyç, më i shënuar i qeverisjes sime për shkak të rindërtimit që është kryefjalë, një procesi historik në betejën me krimin që nis në ditët në vijim për të çuar një tërmet nga shteti në themelet e botës së krimit në raport me pasurinë e paligjshme të elementëve kriminalë”, tha Rama i ftuar në Java në RTSH, përballë dyshes Zogaj-Vangjeli.
Sa i përket opozitës, shefi i qeverisë theksoi se ajo po ndryshon.
“Unë shpresoj që gjërat të ndryshojnë. Në këndvështrimin tim kanë filluar të ndryshojnë. Se me sa duket ka rënë teza që ‘o ik o s’ka’. Mendoj se opozita do marrë pjesë në zgjedhje”, tha Rama, duke shtuar se 2019-ta ishte vërtet një vit i vështirë.
“Në kujtesën time si kryeministër, viti që lamë pas ka qenë viti më i vështirë, që në gjysmën e parë u karakterizua nga një ngërç i madh, nga një situatë ku u vumë të gjithë në pozitë të vështirë si vend dhe pastaj me një palë zgjedhje jo atipike, por realisht të pazakonshme deri në fund, zgjedhje të bojkotuara nga opozita dhe në një pjesë të madhe të bashkive me një kandidat”, theksoi Rama. /tesheshi.com/
