Spanjolli e ka nisur me këmbë të mbarë 2016-ën, duke triumfuar në turneun Mubadala që mbahet për çdo vit në Abu Dhabi. Kjo është hera e tretë që Nadal ia del ta bëjë të vetin trofeun e këtij turneu. Nadal e ka mposhtur kanadezin Milos Raoniç 2-0 në finale, me setet e fituara 7-6 dhe 6-3.
“Shpresoj që ky të jetë hapi i parë për të fituar shumë këtë vit,” tha pas finales Nadal-i.
I pesti në botë në renditjen e tenistëve, Rafael Nadal kaloi një periudhë të vështirë vitin e shkuar, me shumë dëmtime e dështime. Shenjat e përmirësimit të lojës së tij u dhanë që në turnetë e muajve të fundit të 2015-ës, ndërsa spanjolli synon të kapë edhe një herë majat e tenisit botëror.
“Nuk dua të flas më për 2015-ën. Jemi në 2016-ën. Dua të flas mbi të sotmen, e çfarë do të ngjasë nesër…,” ka deklaruar Rafa Nadal. /tesheshi.com/
