Duket e pabesueshme, por një qytet në Uzbekistan ka vendosur të paguajë mësuesit e shkollave me pula në vend të parave, kjo për shkak të mungesës së parave në bankat e vendit, raporton Radio Ozodlik.
Autoritetet në Nukus, i “shpërblejnë” mësuesit me zogj pule të freskët.
Një mësues e shpjegon vendimin si “të turpshëm” teksa thotë : “Vitin e kaluar na paguan me patate, karota dhe kunguj. Këtë vit kanë vendosur të na paguajnë me pula në vend të rrogës. Nëse ne kemi nevojë për zogj pule mund t’i blejmë ato në treg me një çmim shumë më të lirë”.
Një tjetër burim thotë se vlera e zogjve të pulës 2.5 dollarë, më shumë se dyfishi i çmimit në dyqan.
Duke qenë se qeveria e Uzbekistanit kontrollon median e vendit, banorët të cilët kanë folur për mediat e huaja kanë mbetur anonimë. /tesheshi.com/
