“Ka kaluar koha kur shqiptarët i njihnim për shitës akulloresh dhe ëmbëlsirash”, ishte fraza përdorur nga komentatori kroat, Stjepan Balog, në transmetim direkt të ndeshjes së të enjtes, Dinamo Zagreb-Skënderbeu, e cila përfundoi me rezultatin 1-1.
Komenti i Balog shkaktoi reagime të forta në median kroate, por edhe në rrjetet sociale.
I gjendur nën këtë furi kontestimesh nga brenda vendit, por edhe i “bombarduar” nga shqiprarët në rrjetet soicale, komentatori ka gjetur një rrugë zyrtare për të kërkuar falje.
Ai ka dërguar në adresën e klubit korçar një letër pendese, ku kërkon edhe falje, duke nënvizuar se është keqkuptuar deklarata e tij gjatë komentit.
“Kam marrë shumë mesazhe nga njerëz shqiptar, të cilë janë të nevrikosur nga komenti im në ndeshjen Dinamo Zagreb-Skënderbeu. Nuk i kam shprehur ato fjalë në kontekstin e parë dhe nuk kam dashur të ofendoj popullin shqiptar.
Ju kërkoj falje të gjithëve dhe nuk dëshiroj që fraza e gabuar të ndikojë në miqësinë e mirë mes dy popujve. Unë e di shumë mirë që shumë shqiptarë kanë luftuar për lirinë e Kroacisë. Ju lutem ta shpërndani mesazhin tim dhe faljen time në të gjithë median shqiptare. Ju falënderoj për mirëkuptimin”, thuhet në mesazhin e komentatorit kroat. /tesheshi.com/
