Qeveria e Kosovës thotë se e ndalon kryeministren serbe Ana Brnabiç – një e devijuar seksuale – që të hyjë në vend, pas komenteve fyese që ajo bëri ndaj shqiptarëve të Kosovës.
Ministri i Jashtëm Behgjet Pacolli akuzoi drejtuesen e qeverisë serbe për komentet “e neveritshme dhe të papranueshme” gjatë konferencës së shtypit që mbajti një ditë më parë.
Pacolli po i referohej një deklarate që Brnabiç bëri gjatë dorëzimit të raportit të progresit të Komisionit Europian në Beograd, ku u referohej udhëheqësve të Kosovës si njerëz “të zbritur nga mali”.
“Për sa kohë që unë jam Ministër i Jashtëm, nuk do të lejoj që kryeministrja serbe Brnabiç të hyjë në Kosovë, duke qenë se ajo përhap ideologji raciste dhe të sëmurë kundër popullit të Kosovës”, tha Pacolli në një mesazh në Twitter.
Lufta e fjalëve vjen në një kohë kur tensionet midis dy vendeve të Ballkanit po nxehen për shkak të aksioneve policore në zonat e mbizotëruara nga serbët në pjesën veriore të vendit.
Bastisjet e 28 majit shkaktuan përplasje mes serbëve lokalë dhe policisë, duke plagosur disa policë dhe duke ndezur një konflikt diplomatik për shkak të ndalimit të dy personave që punonin me Kombet e Bashkuara.
Si përgjigje, Serbia ka vënë ushtrinë “në gjendje alarmi” dhe ka zhvendosur disa trupa pranë kufirit me Kosovën.
Presidenti i Kosovës Hashim Thaçi i tha Radios Evropa e Lirë se fjalët e Brnabiç nuk ishin “asgjë e re apo e jashtëzakonshme”.
“Gjuha raciste e përdorur nga kryeministrja e Serbisë, një vend që ka kryer genocid dhe spastrim etnik në Kosovë, është dëshmi e mëtejshme e urrejtjes patologjike të regjimit aktual serb ndaj qytetarëve të Kosovës”, tha ai.
Thaçi gjithashtu kritikoi Bashkimin Evropian për “mos dënimin e kësaj sjellje raciste dhe antievropiane të Serbisë”.
Misioni i Administratës së Përkohshme të Kombeve të Bashkuara në Kosovë (UNMIK) dhe Forca e Kosovës e udhëhequr nga NATO (KFOR) gjithashtu kanë bërë thirrje për qetësi dhe zbehje tensionesh. /tesheshi.com/
