Marrëveshja bërthamore, arritur mes Iranit dhe Perëndimit duket se ka hyrë në fuqi në Zvicër. Qeveria e këtij vendi njoftoi heqjen e disa sanksioneve kundër Teheranit, duke argumentuar se kjo lëvizje është një shenjë në mbështetje të marrëveshjes për programin bërthamor.
Këshilli Federal saktësoi se ka tërhequr sanksionet që ishin në fuqi për transaksionet e metaleve të çmuara me entitetet shtetërore iraniane, i ka dhënë fund detyrimit për raportim të tregtisë me prodhimet petrokimike iraniane dhe për transportin e naftës së papërpunuar.
Qeveria zvicerane thotë se me këto masa lehtësuese shpreh interesin për thellimin e marrëdhënieve dypalëshe me Iranin. Gjithsesi, Zvicra rezervon të drejtën e kthimit të sanksioneve në rast se nuk zbatohet marrëveshja e arritur mes Teheranit dhe gjashtë fuqive të mëdha për programin bërthamor. /tesheshi.com/
