Auto Dak
Auto Dak
Auto Dak

Qeveria unifikon pensionin e veteranëve të luftës: por shuma mbetet 170 euro

Kryeministri Isa Mustafa ka kërkuar rishikimin e vendimit për nivelin e pensioneve për veteranët e UÇK-së, duke hequr kategorizimin sipas moshës, dhe caktimin në nivel të njëjtë të pensionit të veteranit në shumën 170 euro.

 

“Unë kam biseduar me ministrin e Financave dhe ministrin e Punës dhe Mirëqenies Sociale, për çështjen e vendimit të cilin ne e aprovuam, të mërkurën, lidhur me nivelin  e kompensimit të pensionit për veteranët,” ka thënë ai.
Kreu i ekzekutivit në mbledhjen e Qeverisë ka thënë se është bërë një vërejtje e arsyeshme, e shumës së ulët prej 130 eurosh, që do ta marrin ata që janë në moshën nën 35 vjeç, mirëpo ka dalë që numri i atyre që janë në këtë moshë është tepër i vogël, është shumë simbolik për të figuruar në vendim.
“Unë mendoj se është edhe pëlqimi i ministrisë së Financave dhe i Punës dhe Mirëqenies Sociale që të unifikohet shuma dhe që shuma të jetë 170 euro për të gjithë përfituesit e këtij pensioni”, theksoi kryeministri Mustafa.
Ndërkaq, ministri Arban Abrashi, ka njoftuar se udhëzimi administrativ për aplikimin për pensionet e veteranëve është nënshkruar, duke bërë të ditur se nga 1 tetori do të fillojë aplikimi për këto pensione, si dhe ka sqaruar procedurat dhe dokumentet e nevojshme për aplikim. /tesheshi.com/

auto pjese dak

Related posts