Auto Dak
Auto Dak
Auto Dak

Thithja e investimeve të huaja: në tetor mbahet forumi Ekonomik Kosovë-Emiratet e Bashkuara

Zëvendskryeministri Hashim Thaçi njoftoi kabinetin qeveritar se ka pranuar një propozim nga qeveria e Emirateve të Bashkuara Arabe për organizimin e një forumi Ekonomik për Kosovën. Qëllimi është thithja e investimeve të huaja në Kosovë, e forumi pritet të mbahet në fund të tetorit.

 

Organizimi i këtij forumi ishte kërkesë e qeverisë së Kosovës që në mars të vitit 2014
“Duke parë rëndësinë që qeveria i ka dhënë nxitjes së investimeve të huaja, edhe më herët edhe tani, dhe reformave të ndërmarra për të përmirësuar klimën e investimeve, kjo iniciativë vjen në vazhdën e synimeve tona për të sjellë investitorë të huaj në Kosovës,” ka theksuar Thaçi.
Më tej ai nënvizoi do të ishte me rëndësi që të gjitha ministritë e linjave përkatëse t’i ndërmarrin të gjitha përgatitjet e duhura, posaçërisht për projekte konkrete, në sektorë të ndryshëm, me qëllim të hapjes së vendeve të reja të punës.
“Natyrisht që tash e tutje, tërë koordinimi dhe udhëheqja e këtij procesi dhe organizimi i këtij Forumi Ekonomik do të jetë pranë zyrës së Kryeministrit, por pasi që përgjigja ka qenë paksa e vonuar prej Emirateve, dhe periudha është shumë e shkurtër, duhet të shikojmë gjithashtu edhe mundësinë që të organizojmë forumin në fund të tetorit, siç është propozuar, apo në një afat optimal, që do ta propozojmë edhe ne, në mënyrë që të përgatitemi mirë, edhe ne si qeveri, por edhe investitorët potencialë që do të jenë në Prishtinë”, theksoi Hashim Thaçi./tesheshi.com/

auto pjese dak

Related posts