Në një përpjekje për ta bërë vendin më pak tërheqës për ata që nuk janë vërtet në nevojë për t’u mbrojtur, qeveria norvegjeze ka propozuar dje forcimin e rregullave të azilit për ribashkimin familjar dhe qëndrimin e përhershëm.
Ministra e re norvegjeze e Emigracionit dhe Integrimit, Sylvi Listhaug, deklaroi se këto masa ishin të nevojshme, e ato përbëheshin nga dyzet ndryshime të vogla e të mëdha.
Ajo iu referua parashikimeve që flasin për një pritshmëri të një numri mjaft të madh kërkesash për azil në vitin që vjen, që mund të arrijnë në 100.000.
Në një konferencë shtypi ajo është shprehur e shqetësuar nëse kërkesat për azil arrijnë në nivele të tilla. Një prej propozimeve, sipas ministres, ishte zgjatja e periudhës së aplikimit për qëndrim të përhershëm nga tre në pesë vjet.
Aplikuesve që do të duan të ribashkohen me familjet dhe t’ i sjellin ato në Norvegji do t’u kërkohet të kenë të ardhura më të larta vjetore.
Gjithnjë duke iu referuar ministres, Norvegjia ka regjistruar këtë vit mbi 30.000 kërkesa për azil. /tesheshi.com/
