Katër ministrat e rinj kanë kaluar provën e tyre në Kuvend duke u miratuar të gjitha dekretet e Presidentit të Republikës, Bujar Nishani.
Parlamenti ka miratuar me 76 vota emërimin e Fatmir Xhafës si Ministër i Brendshëm, 79 vota emërimin e Ogerta Manastirliut, 76 vota për Eduard Shalsin dhe 76 vota për Olta Xhaçkën.
Në votim nuk ka marrë pjesë asnjë prej deputetëve të PDIU-së si dhe kreu i Kuvendit, Ilir Meta. Shpëtim Idrizi dhe Meta nuk kanë qenë fare në sallë, pasi kreu i PDIU-së ka njoftuar më herët se ndodhej në një takim me Shoqatën Çamëria, kurse Mesila Doda që ka qenë prezente në sallë nuk ka marrë pjesë në votim.
Në fakt Doda nuk ka marrë pjesë në asnjë prej votimeve të ministrave edhe në të kaluarën kur u shkarkua Manjani dhe u emërua Petrit Vasili. /tesheshi.com/
